Kampioni i Premierë Ligës i është kthyer fitoreve mbrëmjen e sotme (e martë) dhe mesfushori Willian ishte i jashtëzakonshëm.

Pas disfatës tronditëse në vikend ndaj West Ham United, Chelsea është përgjigjur duke mposhtur me rezultat të thellë 1 me 3 skuadrën e re në Premierë Ligë – Huddersfield Town, shkruan portali arbresh.info.

Willian tregoi klasin e tij në ndeshjen ndaj skuadrës së trajnerit David Wagner duke kontribuuar me dy asistime dhe një gol.

Pas vetëm 23′ minutave lojë, Tiemoune Bakayoko realizoi golin e epërsisë dhe mesfushori brazilian Willian ishte asistues para se të realizonte golin me kokë për 0 me 2 vetëm dy minuta pa përfunduar koha e rregullt e pjesës së parë.

Willian asistoi edhe në golin e bukur të realizuar nga zona e rreptësisë nga spanjolli 30-vjeçar Pedro për 0 me 3.

Goli i fundit i ndeshjes erdhi në minutën e dytë të kohës shtesë. Huddersfieldi realizoi me kokë përmes Laurent Depoitres, i cili hyri në fushë në minutën e 74′ si një zëvendësues i Steve Mounies.

Futbollisti shqiptar Florent Hadergjonaj, i cili u inkuadrua në fushë në minutën e 67′ si zëvendësues i Chirs Lowes, ishte asitues i golit nga Depoitres.

Chelsea tani qëndron në pozitën e katërt në tabelë me 35 pikë, 11 prapa lideri në ligë – Manchester Cityt, ndërsa Huddersfield Town qëndron në popzitën e 12 me vetëm 18 pikë./arbresh.info/

Shikoni katër golat e realizuar në këtë ndeshje: